您现在的位置: 主页 > N生活港 >潮听降噪耳机Soul Jet Pro >

潮听降噪耳机Soul Jet Pro

作者:  发布: 2020-07-22 分类: N生活港 阅读: 323次 

潮听降噪耳机Soul Jet Pro

一直以来降噪耳机俾人嘅感觉係较重功能性,所以外形设计方面多数较平实,而颜色又多以全黑色为主。不过潮流耳机品牌Soul就锐意打破这定律,继知名型号SL300曾经推出过金、蓝等sharp爆颜色外,推出无耐嘅Jet Pro更再令潮味升级,黑、银配搭固然劲cool,但连耳机袋都换上流行clutch bag,确实由内潮到外!想用佢嚟放耳机定斋当出街手袋咁用,你话事喇。

最初见到Jet Pro耳机盒同本杂誌咁大,讲真唔期望佢属于「方便易携」嘅耳机,不过拎开耳机盒,见到佢虽然几大只吓,但用上黑银配搭,再加上耳机架嘅「XX」缕空细节,观感又真係有型,令笔者某程度上都原谅咗佢略嫌笨重缺点。正因如此,加上当中唔能够摺起收藏,所以耳机袋都造了一个近乎一本杂誌嘅平面尺寸,里面亦有细格可收起耳机线,设计贴心。

虽然Jet Pro外形抢镜,但品牌也不忘强推其降噪功能,喺耳机内外设有4组收音咪,收取用家使用环境嘅声音,从而达致降噪效果,令听感更集中,而关上呢个功能后,当中就变返一个普通耳机,方便用家喺唔同环境下听歌。因此,耳机线构造也有所改良,除附有用手机听歌必备嘅3键遥控耳机线,亦特别配备4X镀银暨99.99%高纯无氧铜音源线,俾用家以其他音乐播放器听歌时使用。

潮听降噪耳机Soul Jet Pro
◆ Soul Jet Pro潮听降噪耳机Soul Jet Pro
◆ 皮革头垫质感唔错,望落又几Grand潮听降噪耳机Soul Jet Pro
◆ 头垫内部用上夹棉,令佩戴时减低头部受压嘅机会潮听降噪耳机Soul Jet Pro
◆ 加厚耳罩虽稍为减低佩戴时嘅夹耳情况,但对隔音帮助不大潮听降噪耳机Soul Jet Pro
◆ 耳机内外设有4组收音咪,以达致降噪效果潮听降噪耳机Soul Jet Pro
◆ 耳机袋望落同平常出街用嘅clutch bag一样,用佢当去街手袋都OK潮听降噪耳机Soul Jet Pro
◆ (左上起)附送专业4X镀银暨99.99%高纯无氧铜音源线、飞机转插、6.3mm耳机转插同3键遥控耳机线

总结:
如果讲近来最具潮味嘅耳机,Soul Jet Pro肯定榜上有名。不过如果讲到佩戴感及听感方面,个人觉得当中可以有更大程度嘅改良。先提佩戴方面,笔者日常会戴眼镜,所以如果戴眼镜而又用呢款耳机的话,不出半小时内就会觉得夹耳;如果有戴耳环嘅话,耳珠更易觉得唔舒服,而且耳罩亦有可能被耳环弄花,得不偿失。

至于音色方面,笔者主力试听Sia、Coldplay及宇多田光嘅流行曲为主,三频输出、音场定位都算平均,驳手机听歌一定无问题。不过对比开启及关闭降噪功能嚟听,开启后的声效会厚重得多,但可惜嘅是当中降噪、隔音功能只属一般,喺巴士上都可稍为阻隔电视及乘客倾谈杂音,但喺港铁车厢内试听,呢个功能近乎得物无所用,使用时一样有音乐同车厢噪音相伴。因此耳机值唔值$2,688呢个价钱,就真係睇你想追潮款定係睇功能。

Soul Jet Pro基本规格:
耳机线:4X镀银暨99.99%高纯无氧铜音源线
    iPhone遥控耳机线
线材长度:1.2m
重量:252g

查询: DCHAV (电话: 2262 1173)

定价: $2,688

上一篇: 下一篇:

站长推荐
【营养+健康】  这个不好吃、那个不爱吃 从小让孩子培养自然
【营养+健康】  饮食禁忌、防螨家俱及医学检测 「儿童过敏」
【萧淑绫医师】小孩子好容易生病,怎幺增加免疫力?
【萧淑绫医师】幼儿在长牙时,需要添加钙粉吗?
【萧淑绫医师】洗手会减少细菌曝露机会,反而降低免疫力吗?
【萧淑绫医师】让宝宝去上婴儿游泳课有什幺好处吗?需要注意什幺
【落幕】丨《很高兴遇见·你》剧组见面会圆满结束 – SheS
【葡萄品种】个性鲜明的义式风情
【葡萄品种】丽丝玲(Riesling)
【葡萄品种】多面向的白酒风味 灰皮诺
最近发表